Мендан сўрадилар: Ватан нима деб,
Мен жавоб айладим: Ватан онамдир.
Мендан сўрадилар: Ватан нима деб,
Ватан ул вужудим, жоним танамдир.

Ватан у недирки, шунчалар буюк,
Олтиндай асрарлар, кўз қароғида.
Мен уни кўрганман, кўрганман иним,
Ватан ул деҳқоннинг қўл қадоғида.

Ватан офтобдирки, порлоқ нурларин,
Беминнат сочадир, инсон бошида
У балки садафдай турар товланиб,
Дуогўй бобомнинг оппоқ сочида.

...Менга тош кўчали қишлоғим Ватан,
От чоптириб юрган ўтлоғим Ватан
Ватан иймонимдир, Ватан виждоним,
Менга ҳар бир зарра тупроғим Ватан.